पालकमंत्री नरहरी झिरवाळ यांच्या हस्ते मुख्य शासकीय ध्वजारोहण

हिंगोली, दि. २५ (जिमाका):- भारताचा ७६ वा प्रजासत्ताक दिनानिमित्त मुख्य शासकीय ध्वजारोहणाचा कार्यक्रम दि. २६ जानेवारी २०२५ रोजी सकाळी ९.१५ वा. हिंगोली येथील संत नामदेव पोलीस कवायत मैदानावर होणार आहे. राज्याचे अन्न व औषध प्रशासन, विशेष सहाय्य मंत्री तथा हिंगोलीचे पालक मंत्री नरहरी झिरवाळ यांच्या हस्ते ध्वजारोहण होणार आहे. कार्यक्रम सुरु होण्यापूर्वी १० मिनिटे अगोदर कार्यक्रमस्थळी राष्ट्रीय पोषाखात उपस्थित राहावे, असे आवाहन जिल्हा प्रशासनाने केले आहे. ***