सार्वजनिक मालमत्तेचे विद्रुपीकरण करण्यास निर्बंध

हिंगोली (जिमाका), दि. 08 : राज्य निवडणूक आयोगाने स्थानिक स्वराज्य संस्था सार्वत्रिक निवडणूक 2025 साठी कार्यक्रम घोषित केला असून दि. 4 नोव्हेंबर, 2025 पासून आदर्श आचार संहिता अंमलात आलेली आहे. त्या कालावधीत र्साजनिक मालमत्तेचे प्रत्यक्ष अथवा अप्रत्यक्ष विद्रुपीकरण करण्यास निर्बंध घालण्याचे आदेश दिले आहेत. काही व्यक्ती, संस्था यांच्याकडून मोठ्या प्रमाणात अनाधिकृत होर्डींग, बॅनर्स, पोस्टर्स व जाहिराती लावून विद्रुपीकरण करत असल्याचे निदर्शनास आहे. तसेच निवडणूक कालावधीत राजकीय पक्ष अथवा पक्षाशी संबंधित व्यक्ती , संस्था यांच्याकडून सार्वजनिक मालमत्ताचे विद्रुपीकरण होण्याची शक्यता नाकारता येत नाही. त्यासाठी सर्व संबंधितांना नोटीस देऊन त्यांचे म्हणणे ऐकून घेणे सद्य परिस्थितीत शक्य नसल्याने एकतर्फी आदेश काढणे आवश्यक आहे. हिंगोली जिल्ह्यातील नगर परिषद निवडणुकीची संपूर्ण प्रक्रिया शांततेत, निर्भय व न्याय वातावरणात पार पाडण्याच्या दृष्टिकोनातून शासकीय, निमशासकीय, सार्वजनिक मालमत्तेची प्रत्यक्ष किंवा अप्रत्यक्ष स्वरुपात विद्रुपीकरण करण्यास भारतीय नागरी सुरक्षा संहिता 2023 चे कलम 163 अन्वये जिल्हादंडाधिकारी राहुल गुप्ता यांनी निर्बंध घालण्याचे आदेश दिले आहेत. हे आदेश निवडणूक प्रक्रिया पूर्ण होईपर्यंत म्हणजे दि. 3 डिसेंबर, 2025 पर्यंत लागू केले आहेत. ******