हिंगोली, दि. 26 : प्रजासत्ताक दिनानिमित्त मुख्य शासकीय ध्वजवंदन कार्यक्रम येथील संत नामदेव कवायत मैदानावर पालकमंत्री नरहरी झिरवाळ यांच्या हस्ते उत्साहात संपन्न झाला.
यावेळी महिला व बालविकास आयुक्तालय, पुणे यांच्या पत्रानुसार प्रजासत्ताक दिनी बालविवाह मुक्त भारत मोहिमेअंतर्गत उपस्थित अधिकारी, कर्मचारी व नागरिकांनी बालविवाह प्रतिबंधक प्रतिज्ञा घेतली. तसेच बालविवाह मुक्त भारत मोहिमेच्या जनजागृतीसाठी तयार करण्यात आलेल्या चित्ररथाला पालकमंत्री यांच्या हस्ते हिरवी झेंडी दाखवून प्रारंभ करण्यात आला.
या कार्यक्रमास जिल्हाधिकारी राहुल गुप्ता, मुख्य कार्यकारी अधिकारी विवेक गायकवाड, पोलीस अधीक्षक निलाभ रोहन, निवासी उपजिल्हाधिकारी अभिमन्यू बोधवड, जिल्हा महिला व बालविकास अधिकारी एस. आर. दरपलवार, जिल्हा बाल संरक्षण अधिकारी सरस्वती कोरडे, जिल्हा बाल संरक्षण कक्षातील अधिकारी व कर्मचारी, चाईल्ड हेल्पलाईन १०९८ चे प्रकल्प समन्वयक संदीप कोल्हे यांच्यासह सर्व कर्मचारी, तसेच विविध विभागांचे प्रमुख, अधिकारी व कर्मचारी मोठ्या संख्येने उपस्थित होते.
प्रजासत्ताक दिनाच्या औचित्याने बालविवाह प्रतिबंध व बालहक्क संरक्षणाबाबत जनजागृती करण्याचा महत्त्वपूर्ण संदेश या कार्यक्रमातून देण्यात आला.
*******
No comments:
Post a Comment