राष्ट्रीय बाल स्वास्थ्य कार्यक्रमाची आरोग्यमंत्र्यांकडून प्रशंसा!
हिंगोली, दि. २ नोव्हेंबर : राष्ट्रीय बाल स्वास्थ्य कार्यक्रमांतर्गत मौजे कनका येथे सार्वजनिक आरोग्यमंत्री प्रकाश आबिटकर यांनी भेट दिली. राष्ट्रीय बाल संस्थे कार्यक्रमाचा आढावा घेतला असता समाधान व्यक्त करून प्रशंसा केली. यावेळी आमदार संतोष बांगर, आरोग्य विभागाचे आयुक्त संजय काटकर आणि संबंधित आरोग्य विभागाच्या अधिकाऱ्यांच्या उपस्थितीत कार्यक्रम पार पडला.
कार्यक्रमाच्या प्रारंभी आयुक्त संजय काटकर यांनी प्रास्ताविक केले. यामध्ये हिंगोली जिल्ह्यांमध्ये ९५२ हृदयविकारग्रस्त बालकांचे हृदयविकार शस्त्रक्रिया करून बालकांचे भविष्य निरोगी केले नमूद केले. राष्ट्रीय बाल स्वास्थ्य कार्यक्रमांतर्गत लाभ दिलेल्या बालकांना मंचावर बोलवून गुलाब पुष्प देऊन पुढील आयुष्याच्या शुभेच्छा देण्यात आल्या. यामुळे बालकांच्या चेहऱ्यावर नवीन आशा निर्माण झाल्याचे दिसून आले. हेच या कार्यक्रमाचे यश असल्याचे निष्पन्न झाले. तसेच यावेळी आरोग्यमंत्र्यांच्या हस्ते क्षय रुग्णास कोरडा पोषण देण्यात आला.
यानंतर आरोग्यमंत्री प्रकाश आबिटकर यांनी उपस्थित पालक, विद्यार्थी व आरोग्य विभागातील अधिकारी-कर्मचाऱ्यांशी संवाद साधला. आरोग्य यंत्रणेवर विश्वास ठेवून आपल्या बालकांच्या उपचारासाठी सहकार्य करणाऱ्या पालकांचे त्यांनी विशेष कौतुक केले व यापुढे भविष्यात सर्व गावकऱ्यांचे शासकीय योजना सहकार्य मिळण्यासाठी आवाहन केले.
आरोग्य विभागाच्या सेवा समाजातील शेवटच्या घटकापर्यंत पोहोचविण्यास शासन कटिबद्ध असल्याचे आरोग्यमंत्री श्री. आबिटकर यांनी सांगितले.
“आरोग्य यंत्रणेवर पालकांनी ठेवलेला विश्वास हीच आमची ताकद आहे. भविष्यातही कोणतेही बालक आरोग्य सेवेपासून वंचित राहू नये, यासाठी शासनाच्या माध्यमातून प्रभावीपणे आरोग्य सेवा उपलब्ध करून दिल्या जातील,” असा विश्वास आरोग्यमंत्री प्रकाश आबिटकर यांनी व्यक्त केला.
यावेळी शाळेतील विद्यार्थी, त्यांचे पालक, आरोग्य विभागाचे अधिकारी-कर्मचारी तसेच स्थानिक नागरिक उपस्थित होते.
No comments:
Post a Comment