मस्तानशहानगर येथील प्रलंबित रस्त्याचे काम तातडीने पूर्ण करा- जिल्हाधिकारी राहुल गुप्ता

                                                                                                                                                                                       हिंगोली, दि. 4 (जिमाका) : नगरोत्थान योजनेंतर्गत हिंगोली शहरातील मस्तानशहानगर येथे प्रस्तावित असलेल्या प्रलंबित रस्त्याची जिल्हाधिकारी राहुल गुप्ता यांनी आज प्रत्यक्ष पाहणी केली. या रस्त्याचे काम रखडलेल्या स्थितीत असल्याची दखल घेत त्यांनी नगरपालिका प्रशासनाला तातडीने काम सुरू करून रस्ता पूर्ण करण्याचे निर्देश दिले.

                                                                                                                                                                                     शहरातील नागरिकांना दर्जेदार पायाभूत सुविधा उपलब्ध करून देण्याच्या दृष्टीने मंजूर विकासकामे वेळेत पूर्ण करणे आवश्यक आहे. त्यामुळे प्रलंबित रस्त्याच्या कामातील अडचणी तातडीने दूर करून कामाला गती द्यावी. तसेच रस्त्याचे काम गुणवत्तापूर्ण पद्धतीने पूर्ण करावे, अशा सूचनाही जिल्हाधिकारी राहुल गुप्ता यांनी संबंधित अधिकाऱ्यांना दिल्या.

        यावेळी नगर परिषद प्रशासनचे सहायक आयुक्त  गणेश गांजरे,  हिंगोली नगर परिषद मुख्याधिकारी प्रांजली मुंढे, नगर अभियंता स्नेहल आवटे तसेच संबंधित अधिकारी उपस्थित होते.