⏺️जन आरोग्य संवाद यात्रेदरम्यान कॅथलॅबची पाहणी
⏺️जिल्हा सामान्य रुग्णालयाच्या कामाचे केले कौतुक
हिंगोली, दिनांक 2 (जिमाका) : अतिशय उच्च अशा दर्जाची सुविधा जिल्हा सामान्य रुग्णालयामध्ये कॅथलॅबच्या माध्यमातून हिंगोली वासियांसाठी उपलब्ध करून देण्यात येत आहे, अशाच प्रकारच्या दर्जेदार आरोग्य सुविधेला प्राधान्य द्या. रुग्णांनीही जिल्हा सामान्य रुग्णालयातील सुविधेचा लाभ घ्यावा, असे आवाहन सार्वजनिक आरोग्य व कुटुंब कल्याण मंत्री प्रकाश आबिटकर यांनी केले.
जिल्हा सामान्य रुग्णालयात सुसज्ज स्वरूपात निर्माण करण्यात आलेल्या कॅथलॅब व जिल्हा सामान्य रुग्णालयातील इतर सुविधांची पाहणी मंत्री आबिटकर यांनी केली. आमदार संतोष बांगर, आरोग्य विभागाचे आयुक्त संजय काटकर, आरोग्य सेवा संचालक डॉ. विजय कंदेवाड, उपसंचालक डॉ. कांचन वानेरे, जिल्हा शल्यचिकित्सक डॉ. नितीन तडस, जिल्हा आरोग्य अधिकारी डॉ. कैलास शेळके तसेच छत्रपती संभाजीनगर येथील आरोग्य व कुटुंब कल्याण प्रशिक्षण केंद्राचे प्राचार्य डॉ. संतोष कडले उपस्थित होते.
यावेळी जिल्हा सामान्य रुग्णालयात नव्याने तयार करण्यात आलेल्या कॅथलॅबसह इतर सर्व विभागाची पाहणी मंत्री आबिटकर यांनी केली. तसेच आमदार बांगर यांनीही जिल्हा सामान्य रुग्णालयात देण्यात येत असलेल्या सेवेचे कौतुक करत जिल्ह्यातील रुग्णांना रुग्णालय उत्तम सेवा सुविधा देत असल्याचे सांगितले. जिल्हा शल्य चिकित्सक यांनीही रुग्णालयात उपलब्ध असलेल्या सेवेबाबत सविस्तर माहिती दिली.
********
No comments:
Post a Comment