समुपदेशन शिबिराचे आयोजन

समुपदेशन शिबिराचे आयोजन

हिंगोली, दि.02: शहरातील शासकीय तंत्रनिकेतन संस्थेत 10 वी आणि 12 वी उत्तीर्ण विद्यार्थ्यांच्या उज्ज्वल भवितव्याकरिता दिनांक 3 जुलै रोजी सकाळी 10 ते 02 वाजेपर्यंत महाराष्ट्र राज्य तंत्रशिक्षण मंडळाच्या वतीने थेट प्रक्षेपणाद्वारे  विद्यार्थी व पालकांना समुपदेशन  करण्यात येणार आहे.

इयत्ता 10 वी आणि 12 वी परीक्षेत उत्तीर्ण  झालेल्या विद्यार्थ्यांना तंत्रज्ञानाच्या क्षेत्रात सर्वोत्तम दिशा दर्शविण्यासाठी  महाराष्ट्र  राज्य  तंत्रशिक्षण मंडळ व शासकीय तंत्रनिकेतनच्या संयुक्त विद्यमाने दिनांक 3 जुलै रोजी थेट प्रक्षेपणाद्वारे विद्यार्थी व पालकांसाठी समुपदेशन शिबिराचे आयोजन करण्यात आले आहे. सदरील कार्यक्रमात राज्यातील अग्रगण्य विषय तज्ज्ञ व उद्योजक थेट  प्रक्षेपणाच्या आधुनिक तंत्रज्ञानाच्या माध्यमातून मार्गदर्शन करणार असून तंत्रज्ञान विषयक शंकांचे निरसन कार्यक्रमादरम्यान करणार आहेत. या समुपदेशन शिबिरासाठी शहर व परिसरातील 10 वी आणि 12 वी  परीक्षेत  उत्तीर्ण विद्यार्थी तसेच पालकांनी मोठ्या संख्येने  सहभागी व्हावे असे आवाहन प्राचार्य डॉ. रणजित सावंत यांनी केले आहे.

00000