माजी सैनिक विधवांच्या पाल्यांना एअर मार्शल व्ही.ए.पाटकर विशेष गौरव पुरस्कारासाठी अर्जाची मागणी

माजी सैनिक विधवांच्या पाल्यांना एअर मार्शल व्ही.ए.पाटकर

विशेष गौरव पुरस्कारासाठी अर्जाची मागणी

      हिंगोली,दि.31: जिल्ह्यातील सर्व माजी सैनिक विधवांना शैक्षणिक वर्ष 2017-18 मध्ये इयत्ता 10 वी व 12 वी बोर्डाच्या परीक्षेत सर्वाधिक गुण प्राप्त करुन उत्तीर्ण झालेल्या माजी सैनिक विधवांच्या पाल्यांना एअर मार्शल व्ही.ए.पाटकर विशेष गौरव पुरस्कार निवडीसाठी 18 सप्टेंबर, 2018 पूर्वी जिल्हा सैनिक कल्याण कक्ष, हिंगोली येथे अर्ज सादर करण्याचे आवाहन करण्यात येत आहे.

      सदर पुरस्कार अर्जासोबत साधा अर्ज, डी.डी. 40 फॉर्म, चालू वर्षी शिकत असल्याचे बोनाफाईड सर्टीफिकेट, 10 वी / 12 वी बोर्डाच्या परीक्षेच्या गुणपत्रिकेची व बोर्डाच्या सर्टीफिकेटची छायांकित प्रत, ओळखपत्राची छायांकित प्रत, आर्थिक मदतीच्या हिरव्या कार्डची छायांकित प्रत राष्ट्रीयकृत बँक पासबुकच्या पहिल्या पानाची छायांकित प्रत व आधार कार्डची छायांकित प्रत ही आवश्यक कागदपत्रे सादर करावी.  जिल्ह्यातील जास्तीत जास्त माजी सैनिक विधवांनी या संधीचा लाभ घ्यावा असे आवाहन जिल्हा सैनिक कल्याण अधिकारी, हिंगोली यांनी केले आहे.

****