जिल्ह्यात मद्य विक्रीस मनाई

जिल्ह्यात मद्य विक्रीस मनाई

हिंगोली, दि.16 : भारत निवडणुक आयोगाने त्यांच्या दि. 10 मार्च, 2019 च्या प्रसिध्दी पत्रकान्वये लेाकसभा सार्वत्रिक निवडणुक-2019 च्या कार्यक्रम घोषित केला आहे. त्यानूसार महाराष्ट्रातील हिंगोली लोकसभा मतदार संघामध्ये दिनांक 18 एप्रिल, 2019 रोजी निवडणुक घेण्यात येणार आहे. तसेच दिनांक 23 मे, 2019 रोजी मतमोजणी होणार आहे. सदर निवडणुक खुल्या, मुक्त व निर्भय वातावरणात पार पाडण्यासाठी मतदान प्रक्रीया संपण्याच्या वेळेपूर्वीच्या 48 तासांमध्ये मद्यविक्री  करण्यास मनाई/कोरडा दिवस जाहिर करण्याबाबत लोकप्रतिनिधित्व अधिनियम, 1951 च्या कलम 135 सी अन्वये तरतूद करण्यात आली आहे.

त्यानुसार हिंगोली जिल्ह्यात व शहरात दिनांक 18 एप्रिल, 2019 रोजी मतदानाची वेळ संपण्यापूर्वी 48 तास अगोदर पासून तसेच दिनांक 23 मे, 2019 रोजी मतमोजणीच्या दिवशी मद्यविक्री  मनाई / कोरडा दिवस म्हणून जाहिर करण्यात येत असल्याचे जिल्हाधिकारी तथा निवडणुक निर्णय अधिकारी रुचेश जयवंशी यांनी कळविले आहे.

****