अनुसूचित जाती-जमाती अत्याचार प्रतिबंधक अधिनियमांतर्गत पात्र प्रस्तावांना जिल्हा दक्षता व नियंत्रण समितीची मान्यता

 

  

हिंगोली(जिमाका), दि. 29 : जिल्हाधिकारी राहुल गुप्ता यांच्या अध्यक्षतेखाली जिल्हा दक्षता व नियंत्रण समितीची बैठक घेण्यात आली.

या बैठकीस मुख्य कार्यकारी अधिकारी विवेक गायकवाड, समाज कल्याण विभागाच्या सहायक आयुक्त गीता गुठ्ठे, पोलीस विभागाचे अधिकारी तसेच संबंधित विभागांचे अधिकारी उपस्थित होते.

या बैठकीत अनुसूचित जाती व अनुसूचित जमाती अत्याचार प्रतिबंधक अधिनियम, १९८९ अंतर्गत प्रथम खबर अहवालानुसार तसेच दोषारोप अहवालानुसार प्राप्त झालेल्या प्रस्तावांवर सविस्तर चर्चा करण्यात आली. चर्चेनंतर नियम व निकष पूर्ण करणाऱ्या पात्र प्रस्तावांना समितीने मान्यता दिली.

अत्याचार पीडितांना शासनाच्या योजनांचा लाभ वेळेत मिळावा तसेच प्रकरणांबाबत तातडीने कार्यवाही व्हावी, यासाठी संबंधित यंत्रणांनी समन्वयाने काम करावे, अशा सूचनाही यावेळी देण्यात आल्या.

 

******