हिंगोली जिल्हा व सत्र न्यायालयात ई-सेवा केंद्राचे उद्घाटन

 

न्यायालयीन सेवा अधिक सुलभ व पारदर्शक होणार – प्रमुख जिल्हा व सत्र न्यायाधीश टी. एस. अकाली

हिंगोली, दि. 26 : येथील जिल्हा व सत्र न्यायालयामध्ये आज दिनांक 26 जानेवारी 2026 रोजी ई-सेवा केंद्राचे उद्घाटन प्रमुख जिल्हा व सत्र न्यायाधीश टी. एस. अकाली यांच्या शुभहस्ते करण्यात आले.

या उद्घाटन समारंभास जिल्हा न्यायाधीश-1 श्रीमती एस. एन. माने (गाडेकर) , तदर्थ जिल्हा न्यायाधीश-1 पी. जी. देशमुख , दिवाणी न्यायाधीश (वरिष्ठ स्तर) व्ही. एम. मानौर, सह दिवाणी न्यायाधीश (वरिष्ठ स्तर) श्रीमती व्ही. व्ही. सावरकर, द्वितीय सह दिवाणी न्यायाधीश (वरिष्ठ स्तर) पी. बी. महाळकर, तृतीय सह दिवाणी न्यायाधीश (कनिष्ठ स्तर) श्रीमती एस. एस. पळसुले, तसेच अॅड. एस. आर. घुगे, जिल्हा वकील संघाचे अध्यक्ष यांची प्रमुख उपस्थिती होती.

ई-सेवा केंद्राच्या माध्यमातून न्यायालयीन कामकाज अधिक जलद, सुलभ व पारदर्शक होणार असून जास्तीत जास्त प्रकरणे ई-सेवा केंद्रामार्फत दाखल करण्यात यावीत, तसेच विधिज्ञ व पक्षकारांनी या सुविधेचा अधिकाधिक लाभ घ्यावा, असे आवाहन प्रमुख जिल्हा व सत्र न्यायाधीश टी. एस. अकाली यांनी यावेळी केले.

ई-सेवा केंद्राच्या उद्घाटन प्रसंगी मोठ्या संख्येने विधिज्ञ, न्यायालयीन कर्मचारी व अधिकारी उपस्थित होते.

*******