हिंगोली, दि. ३० : येथील जिल्हा व सत्र न्यायालयामध्ये मराठी भाषा संवर्धन पंधरवाड्यानिमित्त आज शुक्रवार, (दि. ३०) रोजी विशेष शिबिराचे आयोजन करण्यात आले होते. या कार्यक्रमाच्या अध्यक्षस्थानी प्रमुख जिल्हा व सत्र न्यायाधीश टी. एस. अकाली हे होते. प्रमुख मार्गदर्शक म्हणून आदर्श महाविद्यालयाचे प्राध्यापक डॉ. महेश मंगनाळे तर प्रमुख पाहुणे म्हणून जिल्हा वकील संघाचे अध्यक्ष अँड. श्रीधर एस. घुगे हे उपस्थित होते.
कार्यक्रमात अध्यक्षीय भाषणात टी. एस. अकाली यांनी मराठी भाषा संवर्धन पंधरवाड्याचे महत्त्व विशद करून दैनंदिन कामकाजात मराठी भाषेचा प्रभावी वापर करण्याचे आवाहन केले. प्रमुख मार्गदर्शक डॉ. महेश मंगनाळे यांनी शासकीय व न्यायालयीन कार्यालयांमध्ये मराठी भाषेचा अधिकाधिक वापर केल्यास सामान्य नागरिकांमध्ये मराठी भाषेबद्दल आपुलकी व अभिमान निर्माण होईल, असे सांगून विविध उदाहरणांच्या माध्यमातून मराठी भाषेचे महत्त्व स्पष्ट केले.
या कार्यक्रमास जिल्हा न्यायाधीश-१ श्रीमती एस. एन. माने-गाडेकर, तदर्थ जिल्हा न्यायाधीश-१ पी. जी. देशमुख, तदर्थ जिल्हा न्यायाधीश-२ आर. एस. रोटे, मुख्य न्यायदंडाधिकारी श्रीमती ए. बी. कुरणे, सह दिवाणी न्यायाधीश (वरिष्ठ स्तर) श्रीमती व्ही. व्ही. सावरकर, द्वितीय सह दिवाणी न्यायाधीश (वरिष्ठ स्तर) पी. जी. महाळकर, द्वितीय सह दिवाणी न्यायाधीश (कनिष्ठ स्तर) श्रीमती डी. व्ही. भंडारी, तृतीय सह दिवाणी न्यायाधीश (कनिष्ठ स्तर) श्रीमती एस. एस. पळसुले, यांच्यासह जिल्हा न्यायालयातील विधिज्ञ, न्यायालयीन कर्मचारी व पक्षकार मोठ्या संख्येने उपस्थित होते.
कार्यक्रमाचे सूत्रसंचालन व आभार प्रदर्शन दिवाणी न्यायाधीश (वरिष्ठ स्तर) वि. म. मानखैर यांनी केले.
*******
No comments:
Post a Comment