हिंगोली (जिमाका), दि. 30 : जिल्हा परिषदेतील कार्यरत प्राथमिक शिक्षकांना केंद्र प्रमुख पदावर विभागीय मर्यादित स्पर्धा परीक्षेद्वारे नियुक्ती देण्यासाठी “समूह साधन केंद्र समन्वयक (केंद्र प्रमुख) मर्यादित विभागीय स्पर्धा परीक्षा–२०२५” चे आयोजन करण्यात आले आहे.
ही परीक्षा ऑनलाईन पद्धतीने दि. ०३ व ०४ फेब्रुवारी २०२६ रोजी प्रत्येकी तीन सत्रांमध्ये घेण्यात येणार आहे. या परीक्षेचे प्रवेशपत्र ऑनलाईन पद्धतीने दि. २९ जानेवारी, २०२६ रोजी www.mscepune.in या संकेतस्थळावर उपलब्ध करून देण्यात येत आहे.
परीक्षार्थी उमेदवारांनी प्रवेशपत्र डाउनलोड करण्यासह अधिक माहितीसाठी www.mscepune.in या संकेतस्थळास भेट द्यावी. प्रवेशपत्र डाउनलोड करताना येणाऱ्या अडचणींच्या निराकरणासाठी १८०० २२२ ३६६ / १८०० १०३ ४५६६ या हेल्पलाईन क्रमांकावर संपर्क साधावा तसेच https://cgrs.ibps.in/ या लिंकवर तक्रार नोंदवावी.
प्रवेशपत्र डाउनलोड करण्यासाठी आवश्यक असलेला लॉगिन आयडी (रजिस्ट्रेशन नंबर) हा आवेदनपत्रावर उपलब्ध असून, पासवर्ड म्हणून उमेदवाराची आवेदनपत्रावरील जन्मतारीख वापरावी, याची सर्व परीक्षार्थी उमेदवारांनी नोंद घ्यावी, असे महाराष्ट्र राज्य परीक्षा परिषदेच्या आयुक्तांनी कळविले आहे.
*******
No comments:
Post a Comment