हिंगोली जिल्ह्यातील सर्व हॉटेल्स, बार, दारु दुकाने पूर्णपणे बंद -- जिल्हाधिकारी रुचेश जयवंशी यांचे आदेश

 

 

हिंगोली, (जिमाका) दि. 08 : जिल्ह्यात कोरोना विषाणूचा  प्रादुर्भाव रोखण्यासाठी  जिल्ह्यातील सर्व रेस्टॉरंट, हॉटेल्स, बियर व वाईन बार, बियर व वाईन दुकाने (शॉपी) आणि देशी दारु दुकाने दि. 30 एप्रिल, 2021 पर्यंत पूर्णपणे बंद करण्याचे आदेश जिल्हाधिकारी तथा जिल्हा आपत्ती व्यवस्थापनाचे अध्यक्ष रुचेश जयवंशी यांनी दिले आहेत.

            या आदेशाचे पालन न करणाऱ्या संबंधितांविरुध्द आपत्ती व्यवस्थापन कायदा 2005 चे कलम 51 ते 60 व भारतीय दंड संहिता (45 ऑफ 1860)  कलम 188 नुसार तसेच भारतीय साथरोग अधिनियम  1897 अन्वये दंडनीय , कायदेशीर कारवाई संबंधित अधिकारी व  पोलीस अधिकारी, कर्मचारी यांनी करावी, असे आदेश दिले आहेत.  

****