शासकीय तंत्रनिकेतनमध्ये विजय दिवस साजरा

 

हिंगोली दि. 18 :  भारताने पाकिस्तानवर 16 डिसेंबर, 1971 रोजी युद्धामध्ये विजय मिळवला त्या दिवसापासून 16 डिसेंबर हा दिवस भारतामध्ये विजय दिवस म्हणून साजरा करण्यात येतो. त्याच अनुषंगाने 16 डिसेंबर, 2020 रोजी संपूर्ण भारत देशामध्ये विजय दिवस मोठ्या उत्साहात साजरा करण्यात आला.

विजय दिनानिमित्त येथील शासकीय तंत्रनिकेतनमध्ये प्राचार्य डॉ. अशोक उपाध्याय यांच्या हस्ते झेंडावंदन  करण्यात आले. यावेळी जिल्हा क्रीडा अधिकारी कलीमोद्दीन फारुखी, जिल्हा कोषागार अधिकारी मा. एम. झुंजारे यांची प्रमुख उपस्थिती होती.

यावेळी युद्धामध्ये शहीद झालेल्या भारतमातेच्या सुपुत्रांना श्रद्धाजंली अर्पण करण्यात आली. शहीद जवानांनी देशासाठी दिलेल्या बलिदानाची आठवण यावेळी करण्यात आली. या कार्यक्रमास शासकीय तंत्रनिकेतन येथील सर्व अधिकारी व कर्मचारी यांनी उपस्थित राहून उत्साहाने सहभाग नोंदवला.

*****