जिल्ह्यात कोविड-19 चे नवीन 33 रुग्ण ; तर 269 रुग्ण बरे झाल्याने डिस्चार्ज

·  678 रुग्णांवर उपचार सुरु

 

हिंगोली, (जिमाका) दि. 09 : जिल्ह्यात 33 नवीन कोविड-19 रुग्णांचा अहवाल पॉझिटिव्ह आल्याची माहिती जिल्हा शल्य चिकित्सक , हिंगोली यांनी आज दिली आहे.

            आज प्राप्त झालेल्या अहवालानुसार रॅपिड अँटीजेन टेस्टद्वारे वसमत परिसर 01 व्यक्ती, औंढा ना. परिसर 05 व्यक्ती तर आरटीपीसीआरद्वारे हिंगोली परिसर 10 व्यक्ती, कळमनुरी परिसर 09 व्यक्ती, वसमत परिसर 03 व सेनगाव परिसर 05 व्यक्ती असे एकूण 33 कोविड-19 पॉझिटिव्ह आढळून आले आहेत. तर आज 269 कोविड-19 रुग्ण बरे झाल्याने त्यांना डिस्चार्ज देण्यात आला आहे.

सद्य:स्थितीत जिल्हा सामान्य रुग्णालयातील आयसोलेशन वार्डमध्ये भरती असलेल्या कोविड-19 रुग्णांपैकी 03 रुग्णांची  प्रकृती गंभीर असल्याने त्यांना ऑक्सिजन चालू आहे.

           जिल्ह्यात आजपर्यंत कोविड-19 चे एकूण 19 हजार 320 रुग्ण झाले असून, त्यापैकी  18 हजार 240 रुग्ण बरे झाल्याने त्यांना डिस्चार्ज देण्यात आला आहे. तर आज घडीला जिल्ह्यात एकूण 678  रुग्णांवर उपचार सुरु आहेत. तसेच कोविड-19 मुळे जिल्ह्यात आतापर्यंत 402 व्यक्तींचा मृत्यू झाला असल्याचे जिल्हा शल्यचिकित्सक, हिंगोली यांनी कळविले आहे.

****