जिल्हा जात प्रमाणपत्र पडताळणी समिती कार्यान्वित

हिंगोली, दि. 21: सामाजिक न्याय व विशेष सहाय्य विभाग शासन आदेश दि. 11 नोव्हेंबर 2016 अन्वये महाराष्ट्रात प्रत्येक जिल्ह्यांकरिता जिल्हा जात प्रमाणपत्र पडताळणी समिती स्थापन करण्यात आल्या आहेत. त्यानूसार हिंगोली जिल्ह्याकरिता येथील डॉ. बाबासाहेब आंबेडकर सामाजिक न्याय भवन येथे जिल्हा जात प्रमाणपत्र पडताळणी समिती कार्यालयाचे उद्घाटन आज जात प्रमाणपत्र पडताळणीचे अध्यक्ष श्री. तिटकरे यांच्या हस्ते झाले. सदर समिती कार्यालय हे आज पासून कार्यान्वीत झाले आहे.

            यावेळी सदस्य सचिव जिल्हा समाज कल्याण अधिकारी श्री. कुंभारगवे, समाज कल्याणचे सहाय्यक आयुक्त गीता गुट्टे, सदस्य श्री. गोडबोले यांच्यासह अधिकारी-कर्मचारी यांची मोठ्या संख्येने उपस्थिती होती.

*****