गणेश मंडळांना ‘बेटी बचाओ बेटी पढाओ’
अभियानाची
प्रसिध्दी करण्याचे आवाहन
हिंगोली,दि.14:
जिल्ह्यात सुरु झालेल्या गणेश उत्सवात गणेशमुर्ती स्थापनेच्या ठिकाणी विविध
देखावे, चित्रीकरणाचे आयोजन करण्यात येते. या आयोजनात विविध बॅनर लावण्यात येतात.
त्याअनुषंगाने सदर देखावे, चित्रीकरण व बॅनरमध्ये बेटी बचाओ, बेटी पढाओ या अभियानाचे देखावे, चित्रीकरण व बॅनरचा
समावेश करुन जिल्ह्यातील सर्व गणेश मंडळांनी बेटी बचाओ बेटी पढाओ या चळवळीची प्रसिध्दी
करावी. जेणेकरुन नागरिकांमध्ये जनजागृती होईल. त्याप्रमाणेच गणेश मंडळांनी सादर
केलेले देखावे, चित्रीकरण व बॅनर यांच्या फोटोसह अहवाल गणेश उत्सव संपल्यानंतर
महिला व बालकल्याण विभाग, जिल्हा परिषद हिंगोली या कार्यालयाकडे सादर करावा असे
आवाहन उपमुख्य कार्यकारी अधिकारी (बाक) यांनी सर्व गणेश मंडळास प्रसिध्दी
पत्रकान्वये केले आहे.
No comments:
Post a Comment