‘सायबर सेफ वुमन’ आणि ‘महिला सुरक्षा’ विषयावर कार्यशाळेचे आयोजन

‘सायबर सेफ वुमन’ आणि ‘महिला सुरक्षा’

 विषयावर कार्यशाळेचे आयोजन

हिंगोली, दि.2: माहिती व जनसंपर्क महासंचालनालय अंतर्गत जिल्हा माहिती कार्यालय आणि पोलीस अधिक्षक कार्यालय, हिंगोली यांच्या संयुक्त्‍ विद्यमाने ‘सायबर सेफ वुमन’ आणि ‘महिला सुरक्षा’ या विषयावर शुक्रवार, दिनांक 3 जानेवारी, 2020 रोजी  जिल्हा नियोजन समिती सभागृह, जिल्हाधिकारी कार्यालय येथे दूपारी 12.00 वाजता कार्यशाळेचे आयोजन करण्यात आले आहे.

सदर कार्यशाळा ही जिल्हाधिकारी रूचेश जयवंशी यांच्या अध्यक्षतेखाली होणार असून, यावेळी प्रमुख पाहूणे म्हणुन जिल्हा परिषदेचे अध्यक्ष गणाजी बेले, खासदार हेमंत पाटील, आमदार विप्लव बाजोरिया, आमदार तानाजी मुटकुळे, आमदार संतोष बांगर, आमदार चंद्रकांत नवघरे, पोलीस अधीक्षक योगेशकुमार, अप्पर जिल्हाधिकारी जगदीश मिणियार, अप्पर पोलीस अधिक्षक यशवंत काळे, निवासी उपजिल्हाधिकारी चंद्रकांत सूर्यवंशी यांची उपस्थिती राहणार आहे.

तसेच यावेळी ॲड सत्यशिला तांगडे या ‘महिला सुरक्षा’ विषयावर मार्गदर्शन करणार असून ॲड जयश्री सावरगावकर या ‘सायबर सेफ वुमन’ या विषयावर श्रीमती वैशाली देशमुख या ‘लैंगिक छळापासून महिलांचे संरक्षण’ या विषयावर, सायबर तज्ज्ञ विक्रम सारस्वत हे सायबर गुन्हे आणि  सहाय्यक पोलीस निरीक्षक प्रभा पुंडगे या ‘महिला सुरक्षा’ या विषयावर या कार्यशाळेत मार्गदर्शन करुन सविस्तर माहिती देणार आहेत.

तरी या कार्यशाळेस जिल्ह्यातील शालेय महाविद्यालयीन शिक्षक-शिक्षिका, विद्यार्थी-विद्यार्थीनी, अंगणवाडी सेविका, स्वयंसेवी संस्थाचे प्रतिनिधी, पोलीस ठाण्याच्या महिला दक्षता समितीच्या महिला सभासद आणि मुलांचे पालक आणि सर्व प्रसारमाध्यम प्रतिनिधींनी उपस्थित राहावे, असे आवाहन जिल्हा माहिती कार्यालय आणि पोलीस अधिक्षक कार्यालय यांनी केले आहे.

                                                            ****