‘नारी शक्ती’ पुरस्कारासाठी अर्ज सादर करण्याचे आवाहन

‘नारी शक्ती’ पुरस्कारासाठी अर्ज सादर करण्याचे आवाहन

हिंगोली, दि.3 : सामाजिक क्षेत्रात ज्या महिलांनी मौलिक कार्य केले आहे अशा महिलांच्या सन्मानार्थ व त्यांच्या नावे पाच राष्ट्रीय पुरस्कार देण्यात येतात. पुरस्काराचे नाव ‘नारी शक्ती’ पुरस्कार असून ठराविक रक्कम व सन्मान चिन्ह असे या पुरस्काराचे स्वरुप आहे. विविध क्षेत्रात कार्य करणाऱ्या महिलांना सदर पुरस्कार 8 मार्च या ‘जागतिक महिला दिनी’ दिला जातो.

ज्या महिलांनी विधवा, परितक्त्या, निराधार, अपंग, महिलांचे पुनर्वसन करणे अनाथ, अपंग बालकांचे पुनर्वसन करणे अशा कार्यात ज्या महिलांनी जाणीवपूर्वक प्रयत्न व कार्य केले आहे. शैक्षणिक प्रशिक्षण कार्य, पर्यावरण क्षेत्र, महिला स्वावलंबन क्षेत्र तसेच शेती व्यवसाय काबाड कष्ट करणाऱ्या महिलांचे श्रम विविध तांत्रिक यंत्राद्वारे जाणीवपूर्वक कमी करण्याचे काम केले आहे, अशा महिलांचा सदर पुरस्कारासाठी विचार करण्यात येतो.

सामाजिक व राजकीय क्षेत्रात महिलांनी अधिक सहभाग घ्यावा यासाठी ज्या महिलांनी जाणीवपूर्वक  प्रयत्न केले आहेत. तसेच स्त्रियांशी निगडीत असलेल्या प्रशनांना विविध माध्यमाद्वारे उदा. रेडिओ, दूरदर्शन कलेद्वारे विविध कार्यक्रम करुन समाजात जागृती करणाऱ्या महिलांना हा पुरस्कार दिला जातो. तरी हिंगोली जिल्ह्यातील महिला कार्यकर्त्या व समाज सेविका यांनी आपले प्रस्ताव नारी शक्ती पुरस्कारासाठी, अर्ज योग्य त्या कागदपत्रांसह केवळ ऑनलाईन प्रक्रीयेद्वारे केंद्र शासनाचे www.narishaktipuraskar.wed.gov.in/ www.wcd.nic.in या वेबसाईटवर भरावयाचे आहेत. केवळ ऑनलाईन अर्जच स्विकारले जातील असे मार्गदर्शक सूचनेमध्ये नमूद केले आहे. तसेच अर्ज भरण्याची अंतिम दि. 7 जानेवारी 2020 आहे.

तरी जास्तीत-जास्त महिलांनी अर्ज भरावा असे आवाहन जिल्हा महिला व बाल विकास अधिकारी, हिंगोली यांनी केले आहे.

****