सैनिकांच्या पाल्यांकरिता जबलपुर येथे

युनिट कोटा सैन्य भरतीस उपस्थित राहण्याचे आवाहन

हिंगोली, दि. 8 :  जिल्ह्यातील आजी / माजी सैनिक व विधवांसाठी दि. 22 ते 27 जून, 2017 पर्यंत 1 एस. टी. सी. जबलपूर येथे आजी / माजी सैनिक व विधवा यांच्या पाल्यांसाठी सैन्य भरतीचा मेळावा आयोजित करण्यात आला आहे. यामध्ये सोल्जर जनरल ड्युटी, सोल्जर टेक्निकल व सोल्जर ट्रेडसमॅनची भरती घेण्यात येणार आहे. तरी इच्छूक उमेदवारांनी भरतीचे ठिकाणी सकाळी 4.30 वाजण्यापूर्वी उपस्थित रहावे. अधिक माहितीसाठी जिल्हा सैनिक कल्याण कक्षाशी संपर्क साधण्याचे आवाहन जिल्हा सैनिक कल्याण अधिकारी यांनी प्रसिध्दी पत्रकान्वये कळविले आहे.

*****