बेळगाव येथे सैनिकांच्या पाल्यांकरिता युनिट कोटा सैन्य भरती

हिंगोली, दि. 17 : जिल्ह्यातील आजी / माजी सैनिक व विधवांसाठी दि. 12 जून, 2017 ते दि. 15 जून, 2017 पर्यंत मराठा लाईट रेजीमेंटल सेंटर बेळगाव कँम्प येथे आजी /  माजी सैनिक व विधवा यांच्या पाल्यांसाठी सैन्य भरती मेळावा आयोजित करण्यात आला आहे.

सदरील सैन्य भरतीमध्ये सोल्जर जनरल ड्युटी, सोल्जर ट्रेडसमॅन व सोल्जर कार्ल्ककरिता दि. 12 जून, 2017 पासुन भरती घेण्यात येणार आहे. तरी इच्छूक उमेदवारांनी भरतीच्या ठिकाणी सकाळी 6 वाजण्यापूर्वी उपस्थित राहावे. अधिक माहितीसाठी जिल्हा सैनिक कल्याण कक्षाशी संपर्क साधण्याचे आवाहन जिल्हा सैनिक कल्याण अधिकारी यांनी प्रसिध्दी पत्रकान्वये कळविले आहे.

*****