जिल्हास्तरीय समितीमध्ये अशासकीय सदस्याच्या नियुक्तीकरीता अर्जाची मागणी

जिल्हास्तरीय समितीमध्ये अशासकीय

सदस्याच्या नियुक्तीकरीता अर्जाची मागणी

        हिंगोली, दि.18: बाल न्याय (मुलांची काळजी व संरक्षण) 2015 च्या कलम 54 नुसार संस्थांच्या तपासणीसाठी  राज्य व जिल्हास्तरावर तपासणी  समिती गठीत  करण्याबाबत शासन निर्णयान्वये महिला व बाल विकास विभाग दिनांक 21 मार्च 2018 नुसार निर्गमित करण्यात आलेला आहे .

            जिल्हास्तरावरील तपासणी समितीमध्ये अशासकीय व्यक्तीच्या नियुक्ती करणे आवश्यक आहे. सदर अशासकीय सदस्याने खालील अटींची पुर्तता करणे आवश्यक आहे. सदर व्यक्ती किमान पदवीधर असावे, त्यास/तिस बाल हक्क, काळजी, संरक्षण आणि कल्याण क्षेत्रातील किमान 10 वर्षांचा अनुभव आवश्यक राहील. तसेच त्याचे/तिचे वय 35 पेक्षा कमी व 65 पेक्षा जास्त नसावे, सदरची नेमणूक  ही तीन वर्षांच्या कालावधी पर्यंत राहील.

            पात्र व इच्छुक उमेदवारांनी आपले अर्ज बायोडाटा व अनुभव  विषयक पुराव्यासह या कार्यालयास दिनांक 22 मे, 2018 सायं. 5.00 वाजेपर्यंत जिल्हा महिला व बालविकास अधिकारी कार्यालय, हिंगोली एस-7 दुसरा मजला, मध्यवर्ती प्रशासकीय इमारत, हिंगोली-431513 येथे स्वत: सादर करणे आवश्यक आहे. दिनांक 22 मे, सायं.5.00 नंतर आलेले प्रस्ताव  कोणत्याही परिस्थितीत स्विकारले जाणार नाहीत याची नोंद घ्यावी, असे जिल्हा महिला व बाल विकास अधिकारी, हिंगोली यांनी कळविले आहे .

000000