सुशिक्षीत बेरोजगारांसाठी ऑनलाईन पंडित दिनदयाळ उपाध्याय रोजगार मेळाव्याचे आयोजन

सुशिक्षीत बेरोजगारांसाठी ऑनलाईन

पंडित दिनदयाळ उपाध्याय रोजगार मेळाव्याचे आयोजन

 

      हिंगोली, दि.16 : सुशिक्षित बेरोजगार युवक - युवतींसाठी  खाजगी रोजगाराच्या संधी उपलब्ध करुन देण्यासाठी महाराष्ट्र शासनाचे जिल्हा कौशल्य विकास रोजगार व उद्योजकता मार्गदर्शन केंद्र, हिंगोली व उगम ग्रामिण विकास संस्था, उमरा महास्त्रोत कन्सल्टंट यांच्या संयुक्त विद्यमाने  दि. 23 ते 25 जुलै, 2020  या कालावधीमध्ये पंडित दिनदयाळ उपाध्याय रोजगार मेळाव्याचे आयोजन केले आहे.

            या मेळाव्यास जय बालाजी इन्टरप्रायजेस औरंगाबाद, पेस स्किल ट्रेनींग सेंटर लातूर, नवभारत फर्टिलायझर लि. औरंगाबाद, सेक्युरिटी ऍ़ण्ड इंटिलीजन्स सर्व्हीसेस इंडिया लि. या उद्योजकांनी पुढील रिक्त पदे अधिसुचित केली आहेत. यामध्ये सेल्समन रिप्रेसेन्टटेव्ही, ट्रेनी फिटर, ट्रेनी इलेक्ट्रीकल, ट्रेनी मशिनीस्ट आणि सिक्युरिटी गार्ड या पदाचा समावेश आहे. रोजगार मेळाव्यास सहभागी होण्यासाठी www.mahaswayam.gov.in या वेबपोर्टलवर úरोजगारú या पर्यायावर  क्लिक करुन नोकरी साधक हा पर्याय निवडावा. युजर आयडी व पासवर्डव्दारे लॉगइन करुन प्रोफाईल मधील दिनदयाळ उपाध्याय रोजगार मेळावा या पर्यायाव्दारे हिंगोली जिल्हा निवडून रोजगार मेळाव्यास ऑनलाईन अर्ज करावा.

            शैक्षणिक पात्रताधारक उमेदवारांनी सदर मेळाव्यास ऑनलाईन सहभागी होण्याचे आवाहन श्रीमती रेणुका तम्मलवार, सहायक आयुक्त, कौशल्य विकास रोजगार व उद्योजकता, हिंगोली यांनी केले आहे.

 

****