सुशिक्षित बेरोजगारांच्या सेवा सोसायट्यांची ज्येष्ठता सूची निश्चित करण्यासाठी

लेखा परिक्षण अहवाल सादर करण्याचे आवाहन

 

            हिंगोली, (जिमाका) दि. 22 : कौशल्य विकास व उद्योजकता विभागाच्या दि. 11 डिसेंबर, 2015 च्या शासन निर्णयानुसार रोजगार व स्वयंरोजगार धोरणांतर्गत अस्तित्वात असलेल्या बेरोजगारांच्या सहकारी सेवा सोसायट्यांना आर्थिक दृष्ट्या बळकट करण्यासाठी 3 लाख रुपयांपर्यंतची कामे विना निविदा देता येतात.

            जिल्हा कौशल्य विकास रोजगार व उद्योजकता मार्गदर्शन केंद्र, हिंगोली या कार्यालयाकडे जिल्ह्यातील शासकीय, निमशासकीय यंत्रणा 3 लाख रुपयापर्यंतची कामे कळवितात. सन 2021-2022 या आर्थिक वर्षामध्ये जिल्हा कौशल्य विकास रोजगार व उद्योजकता मार्गदर्शन केंद्र, हिंगोली या कार्यालयाकडे मागणी केलेल्या कामाचे जिल्ह्यातील नोंदणी असलेल्या सुशिक्षित बेरोजगारांच्या सेवा सोसायट्यांना वितरीत करण्यासाठी ज्येष्ठता सूची तयार करावयाची आहे.

            यासाठी जिल्ह्यातील जिल्हा कौशल्य विकास रोजगार व उद्योजकता मार्गदर्शन केंद्र, हिंगोली यांच्याकडे नोंदणी केलेल्या सुशिक्षित बेरोजगारांच्या सेवा सोसायट्यांनी सन 2020-2021 चे लेखा परिक्षण अहवाल दि. 31 डिसेंबर, 2021 पर्यंत सादर करावे, असे आवाहन रा. म. कोल्हे, सहायक आयुक्त , कौशल्य विकास रोजगार व उद्योजकता, हिंगोली यांनी केले आहे. विहित तारखेनंतर आलेले लेखा परिक्षण अहवाल सादर केलेल्या संस्थांचा ज्येष्ठता सूचीमध्ये विचार केला जाणार नाही, असेही प्रसिध्दी पत्रकात नमूद केले आहे.

             

*****