स्वच्छ भारत अभियानांतर्गत औंढा नागनाथ मंदिर व परिसराची स्वच्छता

 

हिंगोली, (जिमाका) दि. 21 : स्वच्छ भारत अभियानांतर्गत दि. 20 ऑक्टो रोजी नेहरु युवा केंद्र, युवा कार्यक्रम एवंम खेल मंत्रालय भारत सरकार यांच्यावतीने औंढा नागनाथ मंदिर व परिसराची स्वच्छता मोहिम राबविण्यात आली.

युवा व क्रीडा मंत्रालय भारत सरकार यांच्यामार्फत संपूर्ण भारतभर दि. 1 ते 31 ऑक्टोबर या कालावधीत क्लीन इंडिया मोहिमेचे आयोजन करण्यात आले आहे. देशात प्लास्टीक कचऱ्यामुळे होणारे नुकसान लक्षात घेऊन खेल मंत्रालय द्वारा संपूर्ण देशात प्लास्टीक कचरा जमा करण्याचे अभियान राबविले जात आहे. त्या अनुषंगाने जिल्ह्यात ही मोहिम राबविण्यात येत असल्याची माहिती नेहरु युवा केंद्राचे जिल्हा युवा अधिकारी आशिष पंत यांनी दिली . त्याच धर्तीवर नेहरु युवा केंद्र हिंगोली अंतर्गत प्लास्टीक कचरा उचलून औंढा नागनाथ मंदिर व परिसराची स्वच्छता करण्यात आली.

यावेळी केंद्राचे राष्ट्रीय युवा सेवा कर्मी प्रवीण पांडे, संदीप शिंदे, नामदेव फरकंडे, श्रीकृष्ण पकवाणे, अजय धोतरे, सुदर्शन राठोड तसेच संस्थानातील सफाई कर्मचारी , संस्थानचे प्रतिनिधी व परिसरातील नागरिकांची उपस्थिती होती.   

                                                             ******