हिंगोली येथे स्वयंरोजगार प्रशिक्षण कार्यक्रमाचे आयोजन

हिंगोली, दि.5: स्थानिक हिंगोली येथे युवक / युवतीकरिता स्वयंरोजगार वर आधारित 12 दिवसांच्या कालावधीत प्रशिक्षणाचे आयोजन दि. 11 ते 23 एप्रिल, 2017 या कालावधीत करण्यात आले आहे. सदर कार्यक्रम महाराष्ट्र उद्योजकता विकास केंद्र, (एम.सी.ई.डी.) हिंगोली व्दारा आयोजित करण्यात येत आहे. या कार्यक्रमातून स्वयंरोजगार व रोजगार प्राप्त होण्याकरिता या कार्यक्रमाचे आयोजन करण्यात आले आहे.

सदर कार्यक्रमात शेळी पालन, म्हैसपालन, इत्यादी विषयांचे प्रशिक्षण दिले जाणार आहे सोबतच व्यवसाय मार्गदर्शन, व्यक्तीमत्व विकास, शासनाच्या विविध कर्ज योजना, बँकेची कार्यप्रणाली, आदीबाबतही तज्ज्ञ व्यक्तीकडून मार्गदर्शन करण्यात येणार आहे. या प्रशिक्षण कार्यक्रमात युवक व युवतींना प्रवेश घ्यावयाचा असल्यास वयोमर्यादा 18 ते 45, शिक्षण 7 वी पास, प्रवेशाची अंतीम तारीख 10 एप्रिल, 2017 च्या दुपारी 4.00 वाजेपर्यंत कु. सविता वाढवे कार्यक्रम आयोजक मो. 9545452909 एमसीईडी जिल्हा कार्यालयव्दारा, जिल्हा उद्योग केंद्र, जिल्हाधिकारी कार्यालयाचा दुसरा मजला, हिंगोली येथे प्रत्यक्ष भेटुन आपला अर्ज सादर करावा, असे आवाहन महाराष्ट्र उद्योजकता विकास केंद्राचे प्रकल्प अधिकारी प्रसन्न रत्नपारखी यांनी प्रसिध्दी पत्रकान्वये केले आहे.

*****