वन स्टॉप सेंटर अंतर्गत
एक दिवसीय प्रशिक्षण कार्यक्रम संपन्न
हिंगोली, दि.11: जिल्हा महिला व बालविकास अधिकारी कार्यालय यांच्या वतीने केंद्र पुरस्कृत वन
स्टॉप सेंटर अंतर्गत एक दिवसीय प्रशिक्षण कार्यक्रम हॉटेल गणेश इन येथे संपन्न झाला
. या प्रशिक्षणास जिल्हाधिकारी रुचेश जयवंशी यांची उपस्थिती होती.
वन स्टॉप सेंटरची जिल्ह्यातील आवश्यकता, वन स्टॉप सेंटरमार्फत महिलाना करण्यात येणारी मदत, वन स्टॉप सेंटरसाठी कायमस्वरुपी
जागा उपलब्ध करुन देऊन जिल्ह्यात पूर्ण ताकदीने केंद्र कार्यान्वित झाल्याची माहिती
जिल्हाधिकारी रुचेश जयवंशी यांनी यावेळी दिली.
या प्रशिक्षणात लैंगिक अत्याचारापासून बालकांचे संरक्षण अधिनियम 2012, चांगला
स्पर्श व वाईट स्पर्श, अधिनियमांच्या अनुषंगाने नोंदण्यात येणारे गुन्हे, शिक्षा व
अधिनियमातील तरतुदी, वैद्यकीय सेवा, महिला व बालकांचे आरोग्य याबाबत डॉ. गोपाल कदम
यांनी सविस्तर मार्गदर्शन केले, तसेच समुपदेशन करण्याच्या पध्दती, समुपदेशना दरम्यान
समुपदेशकांचा दृष्टीकोन याविषयी प्रशिक्षण
देण्यात आले, असे जिल्हा महिला व बालविकास अधिकारी विठ्ठल शिंदे यांनी कळविले आहे.
00000
No comments:
Post a Comment