अनुसूचित जमातीच्या विद्यार्थ्यांनी जमात पडताळणी कार्यवाहीसाठी समिती कार्यालयाच्या ई-मेलवर विनंती अर्ज पाठवण्याचे आवाहन

 

 

        हिंगोली, (जिमाका) दि.4 : अनुसूचित जमातीच्या राखीव जागेवर प्रवेश घेऊ इच्छिणाऱ्या अर्जदारांनी विहित कालमर्यादेत जात प्रमाणपत्राची वैधता तपासून घेण्याचे आदेश दिले आहेत.

त्याअनुषंगाने मराठवाडा प्रशासकीय विभागातील सन 2021-22 या शैक्षणिक वर्षासाठी वैद्यकीय, अभियांत्रिकी व इतर व्यावसायिक अभ्यासक्रमासाठी अनुसूचित जमातीच्या राखीव जागेवर प्रवेश घेण्यास इच्छुक अनुसूचित जमातीच्या विद्यार्थ्यांचे जमात पडताळणी कार्यवाही विहित कालमर्यादेत पूर्तता करण्याचा निर्णय समितीद्वारे घेण्यात आलेला आहे.

त्यामुळे 2021-22 या शैक्षणिक वर्षासाठी वैद्यकीय, अभियांत्रिकी व इतर व्यावसायिक अभ्यासक्रमासाठी अनुसूचित जमातीच्या राखीव जागेवर प्रवेश घेऊ इच्छिणाऱ्या अनुसूचित जमातीच्या विद्यार्थ्यांच्या प्रकरणी विद्यार्थ्यांचे जमात प्रमाणपत्र वेळेवर तपासणी होऊन त्यांच्या प्रवेशाची कार्यवाही विहित वेळेत पूर्ण व्हावी व त्यांचे शैक्षणिक नुकसान होणार नाही. यासाठी प्रथम प्राधान्याने जमात दावा पडताळणी कार्यवाही पूर्तता करण्यासाठी व विद्यार्थ्यांची, पालकांची ऐनवेळी होणारी गैरसोय टाळण्यासाठी विद्यार्थ्यांनी आपले नाव, पत्ता व इतर आवश्यक माहितीसह विनंती अर्ज सहआयुक्त तथा उपाध्यक्ष , अनुसूचित जमाती प्रमाणपत्र तपासणी समिती, औरंगाबाद विभाग, औरंगाबाद या कार्यालयाच्या tcscaur.mah@nic.in या ई-मेल पत्यावर सादर करण्यात यावा, असे आवाहन सहआयुक्त, अनुसूचित जमाती प्रमाणपत्र तपासणी समिती, औरंगाबाद यांनी प्रसिध्दीपत्रकाद्वारे केले आहे .

*******