वैद्यकीय क्षेत्रात मोफत कौशल्य विकास प्रशिक्षण घेण्यासाठी स्कील इंडिया पोर्टलवर नोंदणी करावी

 

 

हिंगोली, (जिमाका) दि. 09 : कोविड-19  ने जिल्ह्यातील स्थानिक पातळीवरील विद्यमान आरोग्य यंत्रणा अभूतपूर्व तणावात आणली आहे. तसेच विद्यमान आरोग्य सुविधांमध्ये पुरेसे आरोग्य तंत्रज्ञ उपलब्ध नाहीत. त्यामुळे या साथीच्या रोगाच्या पार्श्वभूमीवर आरोग्यविषयक पायाभूत सुविधांचा विस्तार करण्याचा शासनाचा मानस आहे. आरोग्य व वैद्यकीय क्षेत्रामध्ये रोगाशी संबंधित उद्भवलेल्या परिस्थितीत कुशल मनुष्यबळ उपलब्ध व्हावे. तसेच या क्षेत्रातील संसाधनामधील आवश्यक मनुष्यबळाचा तुटवडा दूर व्हावा यासाठी आरोग्य क्षेत्रात काम करण्यास इच्छुक असलेल्या राज्यातील युवक-युवतींना वैद्यकीय क्षेत्रांमध्ये कौशल्य विकास प्रशिक्षण प्रदान करुन रोजगाराच्या संधी उपलब्ध करुन देण्यासाठी भारत सरकारद्वारे 3.0 प्रधानमंत्री कौशल्य विकास योजनेच्या (PMKVY) केंद्रीय घटकाअंतर्गत पुढील सहा  विषयांमध्ये रुग्ण सेवेच्या आवश्यकते प्रमाणे क्रॅश कोर्सेसची सुरुवात करण्यात येत आहे.

1. इमर्जन्सी मेडिकल टेक्नीशियन-बेसिक (EMERGENCY MEDICAL TECHNICIAN –BASIC), 2. जनरल ड्यूटी असिस्टंट (GENERAL DUTY ASSISTANT (GDA), 3. जीडीए-ॲडव्हॉन्सड (क्रिटीकल केअर) (GDA-ADVANCED (CRITICAL CARE), 4. होम हेल्थ एड (HOME HEALTH AIDE), 5. मेडिकल इक्वायपमेंट टेक्नॉलाजी असिस्टंट (MEDICAL EQUIPMENT TECHNLOGY ASSISTANT), 6. पहेल ओबोटोमीस्ट (PHELOBOTOMIST) या कोर्सेससह मेडिकल रेकॉर्ड असिस्टंट (MEDICAL RECORD ASSSISTANT) या कोर्सचाही समावेश करण्यात आला आहे.

ज्यांना वरील पैकी कोणतेही एक कोर्स निवडून प्रशिक्षण घ्यावयाचे आहे त्यांनी https://skillindia.nsdcindia.org या स्कील इंडिया पोर्टलवर नोंदणी करावी.

या कोर्सेसच्या अंतर्गत प्रशिक्षण हे जास्तीत जास्त एक महिना  नोकरी सुरु  असलेल्या प्राथमिक आरोग्य केंद्र, शासकीय रुग्णालय किंवा इतर रुग्णालयात होऊ शकते. सदर उमेदवारांचे कौशल्य प्रशिक्षण संबंधित रुग्णालयाअंतर्गत उत्तम प्रकारे पूर्ण होईल. या सुविधेचा फायदा उचलण्याची मोठी संधी स्थानिक स्तरावर उपलब्ध करुन देण्यात आलेली आहे. त्याचा मोठ्या प्रमाणात फायदा घ्यावा, असे पुन:श्च आवाहन करण्यात येत आहे. अधिक माहितीसाठी  02456-224574 / 9970125039 या भ्रमणध्वनी क्रमांकावर संपर्क साधावा, असे प्र.सो.खंदारे, सहायक आयुक्त, कौशल्य विकास, रोजगार व उद्योजकता, हिंगोली यांनी प्रसिध्दीपत्रकाद्वारे कळविले आहे.

******