महाराष्ट्र औद्योगिक संबंध संहिता नियम-2021 मसुद्याबाबत

हरकती, सूचना पाठविण्याचे कामगार आयुक्तांचे आवाहन

 

हिंगोली, (जिमाका) दि. 05 : महाराष्ट्र शासनाचे औद्योगिक  संबंध संहिता 2020 अंतर्गत महाराष्ट्र औद्योगिक संबंध संहिता नियम 2021 चा मसुदा महाराष्ट्र शासन राजपत्रामध्ये 3 डिसेंबर 2021 रोजीच्या अधिसूचनेद्वारे प्रसिद्ध केला आहे. हा मसुदा नियम महाराष्ट्र शासनाचे अधिकृत संकेतस्थळ https://maharashtra.gov.in तसेच कामगार विभागाचे अधिकृत संकेतस्थळ https://mahakamgar.maharashtra.gov.in यावर कायदा व नियम शिर्षाखाली  प्रसिद्ध करण्यात आले आहे. या अधिसूचनेद्वारे प्रसिद्ध केलेल्या मसुद्याबाबत 45 दिवसाच्या आत हरकती, सूचना मागविण्यात आल्या आहेत. या प्रारुपाबाबत कोणतेही आक्षेप किंवा सूचना कामगार आयुक्त,  महाराष्ट्र राज्य, कामगार भवन,       सी-20, ब्लॉक-ई, वांद्रा कुर्ला संकुल, वांद्रे पूर्व, मुंबई-400051 या कार्यालयात किंवा कामगार आयुक्तालयाच्या mahalabourcommr@gmail.com या ई-मेल वर स्वीकारण्यात येतील.

या अधिसूचनेवर नमूद केलेला कालावधी संपुष्टात येण्यापूर्वी या प्रारुपाच्या बाबतीत हिंगोली जिल्ह्यातील कोणत्याही व्यक्ती किंवा संघटनेकडून आक्षेप किंवा सूचना मागविण्यात आल्या आहेत. जे प्राप्त होणारे आक्षेप किंवा सूचना राज्य शासनामार्फत विचारात घेण्यात येतील, असे कामगार आयुक्त सुरेश जाधव यांनी दिलेल्या प्रसिद्धी पत्रकात नमूद केले आहे.

****