दंड माफी योजनेचा लाभ घेण्यासाठी

मुद्रांक जिल्हाधिकारी कार्यालय शनिवार व रविवारी सुरु

 

हिंगोली (जिमाका), दि. 28 : शासनाची दंड माफी योजना-2022 सुरु आहे. या योजनेत               दि. 31 जुलै, 2022 पर्यंत सहभाग नोंदवल्यास थकलेल्या मुद्रांक शुल्काच्या दंडास जवळपास 90 टक्के माफी शासनाने दिलेली आहे. तसेच यानंतर म्हणजे दि. 1 ऑगस्ट, 2022 नंतर सहभाग नोंदविणाऱ्यास थकलेल्या मुद्रांक शुल्काच्या दंडास 50 टक्के माफी राहणार आहे.

दंड माफी योजना-2022 चा पहिला टप्पा दि. 31 जुलै, 2022 रोजी संपणार आहे. या दंड माफी योजनेच्या पहिल्या टप्प्यात सहभाग नोंदविता यावा यासाठी दि. 30 व 31 जुलै, 2022 रोजी अनुक्रमे शनिवार व रविवार या सुटीच्या दिवशीही राज्यातील सर्व मुद्रांक जिल्हाधिकारी कार्यालये उघडी राहणार आहेत. त्यामुळे या संधीचा लाभ घ्यावा, असे आवाहन संजय पाटील, सह जिल्हा निबंधक वर्ग-1 तथा मुद्रांक जिल्हाधिकारी, हिंगोली यांनी केले आहे.    

*******