जिल्ह्यात कोविड-19 चे नवीन 09 रुग्ण; तर 49 रुग्ण बरे झाल्याने डिस्चार्ज

 

264 रुग्णांवर उपचार सुरु  

 

        हिंगोली,दि.22: जिल्ह्यात आज 09 नवीन कोविड-19 रुग्णांचा अहवाल पॉझिटिव्ह आल्याची माहिती जिल्हा शल्य चिकित्सक डॉ. किशोरप्रसाद श्रीवास यांनी दिली आहे.

            आज प्राप्त झालेल्या अहवालानुसार कळमनुरी परिसरातील 02 व्यक्ती तर सेनगांव परिसरातील 01 व्यक्ती असे एकूण 03 व्यक्ती रॅपीड अँटीजन टेस्टद्वारे तर हिंगोली परिसरातील 04 व्यक्ती, कळमनुरी परिसरातील 02 व्यक्ती असे एकूण 06 व्यक्ती  आरटीपीसीआर टेस्टद्वारे कोविड-19 पॉझिटिव्ह आढळून आले आहेत.  तसेच आज 49 कोविड-19 रुग्ण बरे झाल्याने त्यांना डिस्चार्ज देण्यात आला.

            सद्य:स्थितीत जिल्हा सामान्य रुग्णालयातील आयसोलेशन वार्डमध्ये भरती असलेल्या कोविड-19 रुग्णांपैकी 13 रुग्णांची  प्रकृती गंभीर असल्याने त्यांना ऑक्सीजन चालू आहे. तर कोविड-19 च्या 3 रुग्णांची प्रकृती अतिगंभीर असल्याने त्यांना बायपॅप मशीनवर ठेवण्यात आले आहे. असे एकूण 16 रुग्णांची सद्य:स्थितीत प्रकृती चिंताजनक असून तज्ज्ञ डॉक्टरामार्फत त्यांच्यावर उपचार सुरु आहेत.

            जिल्ह्यात आजपर्यंत कोविड-19 चे एकूण 1 हजार 295 रुग्ण झाले असून, त्यापैकी 1016 रुग्ण बरे झाल्याने त्यांना डिस्चार्ज देण्यात आला आहे. तर आज घडीला जिल्ह्यात एकूण 264 रुग्णांवर उपचार सुरु आहेत. तसेच कोवीड-19 मुळे जिल्ह्यात आतापर्यंत 15 व्यक्तींचा मृत्यू झाला असल्याचे जिल्हा शल्य चिकित्सक किशोरप्रसाद श्रीवास यांनी कळविले आहे.

****