जादुटोणा विरोधी कायदा जनजागृतीसाठी जिल्हास्तरीय समितीवर

महिला अशासकीय व जिल्हा समन्वयक सदस्य नियुक्तीसाठी अर्ज करण्याचे आवाहन

 

हिंगोली (जिमाका), दि. 23 :  जादूटोणा विरोधी कायदा जनजागृती प्रसार व प्रचार अंमलबजावणीसाठी जिल्हास्तरीय समितीमध्ये अशासकीय सदस्य व जिल्हा समन्वयक पदी महिला सदस्याची नियुक्ती करावयाची आहे. यासाठी दि. 5 फेब्रुवारी, 2024 पर्यंत सहायक आयुक्त, समाज कल्याण, हिंगोली या कार्यालयास प्रस्ताव सादर करावेत.

भारतीय समाजात रुजलेल्या काही अनिष्ठ, अघोरी, अमानुष संस्कारातून रुजलेलया अनेक प्रकारच्या गैरसमजुतीमुळे समाजाचे नुकसान होत असल्याने व त्यांचे होणारे शोषण व छळ थांबविण्यासाठी शासनाकडून दि. 20 डिसेंबर, 2013 रोजी महाराष्ट्र नरबळी आणि इतर अमानुष, अनिष्ट व अघोरी प्रथा व जादुटोणा प्रतिबंध अधिनियम 2013 जारी करण्यात आलेला आहे.

जादुटोणा विरोधी कायदा जनजागृती प्रचार आणि प्रसार कार्यक्रम अंमलबजावणी जिल्हास्तरीय समितीवर जादूटोणाविरोधी व अंधश्रध्दा निर्मूलनासाठी कार्य करणाऱ्या व्यक्तींची (महिला सदस्य) अशासकीय व जिल्हा समन्वयक सदस्य म्हणून नियुक्ती करण्यात येणार आहे.

त्या अनुषंगाने जादुटोणा व अंधश्रध्दा निर्मूलन या क्षेत्रात उल्लेखनीय कार्य करणाऱ्या इच्छूक केवळ महिला सदस्यांनी प्रस्ताव सहाय्यक आयुक्त, समाज कल्याण, हिंगोली येथे दि. 5 फेब्रुवारी, 2024 पर्यंत सादर करावेत, असे आवाहन सहाय्यक आयुक्त, समाज कल्याण, हिंगोली यांनी केले आहे.

*****