राष्ट्रीय मतदार दिनानिमित्त जनजागृती

 

हिंगोली (जिमाका), दि. 24 :  राष्ट्रीय मतदार दिन कार्यक्रम-2024 च्या अनुषंगाने नागरिकांमध्ये जनजागृती व्हावी या उद्देशाने राष्ट्रीय मतदार दिनाच्या निमित्ताने आज दि. 24 जानेवारी, 2024 रोजी सकाळी 8.30 वाजता मतदार नोंदणी अधिकारी तथा उपविभागीय अधिकारी उमाकांत पारधी यांच्या अध्यक्षतेखाली प्रभातफेरीचे आयोजन करण्यात आले होते.

ही प्रभातफेरी तहसील कार्यालय हिंगोली येथून सकाळी 8.00 वाजता प्रारंभ होऊन पोस्ट ऑफिस-जवाहर रोड-इंदिरा गांधी चौक ते रामलीला मैदानावर समारोप करण्यात आला. या प्रभातफेरीमध्ये जिल्हा परिषद कन्या प्रशाला, विद्यानिकेतन शाळा, खाकीबाबा इंग्लीश स्कूल, तुळसाबाई माध्यमिक विद्यालय, बहुविध प्रशाला या शाळेतील विद्यार्थी सहभागी झाले होते.

यावेळी सहायक मतदार नोंदणी अधिकारी तथा तहसीलदार नवनाथ वगवाड, जिल्हा क्रीडा अधिकारी राजेश्वर मारावार, तालुका क्रीडा अधिकारी आत्माराम बोथीकर, नायब तहसीलदार एम. एस. खंदारे, सी.आर. गोळेगावकर, टी.उी. कुबडे, के.एन. पोटे, वाबळे, संतोष जाधव, शेषराव असोले, शिवाजी इंगोले, रामप्रसाद व्यवहारे, श्रीमती वारे, सोनवणे, बेले, दिपक शिंदे, रहिम, सानप उपस्थित होते.

*****