चालू शैक्षणिक वर्षापासून स्वाधार योजना ऑनलाईन

हिंगोली (जिमाका), दि. 21 : सामाजिक न्याय व विशेष सहाय्य विभागामार्फत भारतरत्न डॉ.बाबासाहेब आंबेडकर स्वाधार योजनेचे अर्ज शैक्षणिक वर्ष सन 2024-2025 पासून ऑनलाईन पध्दतीने सादर करण्यासाठी सहायक आयुक्त, समाज कल्याण कार्यालय, हिंगोली कार्यालयाकडून https://syh.mahasaamajkalyan.in/ हे ऑनलाईन संकेतस्थळ तयार करण्यात आलेले आहे. हिंगोली जिल्ह्यातील अनुसूचित जातीच्या मागासवर्गीय विद्यार्थ्यांनी वरील संकेतस्थळावर भेट देऊन सन 2024-2025 हे शैक्षणिक सुरु झाल्यानंतर जास्तीत जास्त पात्र विद्यार्थ्यांनी सदर संकेतस्थळावर भारतरत्न डॉ.बाबासाहेब आंबेडकर स्वाधार योजनेचे अर्ज सादर करावेत, असे आवाहन सहाय्यक आयुक्त, समाज कल्याण, हिंगोली यांनी केले आहे. ******