हिंगोली दि.१३ (जिमाका): सार्वजनिक दसरा महोत्सव समितीच्या वतीने शहरातील शिवाजीराव देशमुख सभागृह येथे आयोजित ‘नवरतन जागर आदिशक्तीचा’ या सांस्कृतिक गीतांच्या कार्यक्रमाचे उद्घाटन जिल्हाधिकारी राहुल गुप्ता यांच्या हस्ते करण्यात आले.
यावेळी दसरा महोत्सव समितीचे अध्यक्ष तथा उपविभागीय अधिकारी समाधान घुटुकडे, मधुकर खंडागळे, सुरेश अप्पा सराफ, नीरज देशमुख, मिलिंद उबाळे, विशाल इंगोले यांच्यासह अन्य मान्यवर उपस्थित होते.
या कार्यक्रमात आदिशक्तीच्या आराधनेवर आधारित विविध भक्तिगीतांचे सादरीकरण करण्यात आले. गायक दुर्गेश काळे आणि त्यांच्या संचाने आपल्या भारदस्त आवाजाने तसेच सुरेल सादरीकरणाने उपस्थित रसिकांना मंत्रमुग्ध केले. भक्तिमय वातावरणात रंगलेल्या या कार्यक्रमाला रसिकांचा उत्स्फूर्त प्रतिसाद लाभला.
No comments:
Post a Comment