जलजीवन मिशन अंतर्गत प्रशिक्षण संपन्न

 

 

हिंगोली (जिमाका), दि. 15 :  जलजीवन मिशन अंतर्गत जिल्हा परिषद हिंगोली व स्टुडन्ट रिलीफ सोसायटी राजस्थानच्या वतीने हिंगोली जिल्ह्यातील पाचही तालुक्यात 52 ग्रामपंचायतीमध्ये 3096 ग्रामपंचायत सदस्याचे गटस्तरीय प्रशिक्षण आयोजित करण्यात आले होते.

या प्रशिक्षणात 563 ग्रामपंचायत मधील सरपंच, उपसरपंच , ग्राम आरोग्य व पाणीपुरवठा समितीतील सदस्य, आशा वर्कर, अंगणवाडी ताई , सेविका, पंप ऑपरेटर, जलसंरक्षक, ग्रामसेवक यांना प्रशिक्षण देण्यात आले.

            ज्यामध्ये जलजीवन मिशनचा उद्देश, लोकसहभाग उद्दिष्ट, नियोजन, अंमलबजावणी योजना दुरुस्ती, पाणीपुरवठा व स्वच्छता, पाणी तपासणी, सांडपाणी व्यवस्थापन, पाणीपट्टी आकारणी रेकॉर्ड, स्त्रोत मजबुतीकरण अशा सर्व विषयावर मार्गदर्शन करण्यात आले.

या प्रशिक्षणाचे आयोजक दीपक दुबे, नितेश कुमार, राजेंद्र सरकटे जिल्हा पाणी व स्वच्छता मिशन कक्ष सल्लागार हे होते. हे प्रशिक्षण दिनांक 12 ऑक्टोंबर  2023 रोजीं  पंचायत समिती वसमत येथे समारोप प्रसंगी उप मुख्य कार्यकारी अधिकारी पाणी व स्वच्छता आत्माराम बोंद्रे व गटविकास अधिकारी यू. डी. तोटावार  यांच्या उपस्थितीत प्रशिक्षणाचा पहिला टप्पा यशस्वीरित्या संपन्न झाला आहे .

*****