खरीप हंगामपूर्व जिल्हास्तरीय कार्यशाळा संपन्न

 

हिंगोली (जिमाका), दि. 26 : येथील कृषि विभागाच्या वतीने  जिल्हाधिकारी कार्यालयाच्या सभागृहात दि. 25 एप्रिल, 2023 रोजी खरीप हंगाम 2023 पूर्व जिल्हास्तरीय कार्यशाळा आयोजित करण्यात आली होती. या कार्याक्रमास विभागीय कृषि सहसंचालक, लातुर विभाग लातुर कार्यालयातील जिल्हा अधिक्षक कृषि अधिकारी श्री. तिर्थकर, तंत्र अधिकारी श्री. विर यांनी खरीप हंगाम नियोजन बाबत मार्गदर्शन केले. हरिद्रा येथील कृषि संशोधन तांत्रिक अधिकारी रमेश देशमुख यांनी हळद पिक लागवड बाबत मार्गदर्शन केले. तसेच कृषि विज्ञान केंद्र, तोंडापुर येथील शास्त्रज्ञ श्री. भालेराव यांनी सोयाबीन / तुर/ कापूस पिक लागवड तंत्रज्ञान याबाबत मार्गदर्शन केले. श्री. ओळंबे यांनी हळद पिक मुल्यवर्धन व फळबाग लागवड बाबत मार्गदर्शन केले.

या कार्यक्रमास जिल्हा अधीक्षक कृषि अधिकारी शिवराज घोरपडे यांनी खरीप हंगाम पूर्व करावयाची कामे बाबत मार्गदर्शन केले. कार्यक्रमास उपविभागीय कृषि अधिकारी श्री. वाघ, सर्व तालुका कृषि अधिकारी, सर्व मंडळ कृषि अधिकारी, सर्व कृषि पर्यवेक्षक सर्व कृषि सहाय्यक व कर्मचारी उपस्थित होते. तसेच कृषि सहाय्यक ते कृषि पर्यवेक्षक विभागीय परिक्षेमध्ये उत्तीर्ण झालेल्या कृषि पर्यवेक्षक यांचा श्री. तिर्थकर यांच्या हस्ते सत्कार करण्यात आला.

या कार्यक्रमाचे सुत्रसंचालन जी.बी. बंटेवाड यांनी केले व आभार प्रदर्शन तंत्र अधिकारी विस्तार श्री.वळकुंडे यांनी केले.

******