कृषि उत्पन्न बाजार समिती मतदान व मतमोजणी केंद्रात

मोबाईल वापरण्यास बंदी

 

हिंगोली (जिमाका), दि. 27 : कृषि उत्पन्न बाजार समितीची निवडणूक पारदर्शक, भयमुक्त व निपक्षपातीपणे पार पाडण्यासाठी आवश्यक उपाययोजना करण्याच्या दृष्टीने महाराष्ट्र कृषि उत्पन्न बाजार समित्या (समितीची निवडणूक) नियम 2017 चे नियम 3 (चार) अन्वये मतदान व मतमोजणी कामाची गोपनीयता भंग होणार नाही. यासाठी मतदान आणि मतमोजणी केंद्रामध्ये तसेच 100 मीटरच्या परिसरात मोबाईल, पेजर, इलेक्ट्रॉनिक डायरी, आयपॅड, टॅब व तत्सम इलेक्ट्रॉनिक्स साहित्य वापरण्यास व जवळ बाळगण्यास प्रतिबंध करण्यात आले आहे.

या आदेशाची मतदान व मतमोजणी केंद्रावरील नियुक्त करण्यात आलेले अधिकारी, कर्मचारी यांनी काटेकोरपणे पालन करावे, असे निर्देश नवनाथ वगवाड, निवडणूक निर्णय अधिकारी कृषि उत्पन्न बाजार समिती, हिंगोली तथा तहसीलदार, हिंगोली यांनी दिले आहेत.

****