हिंगोली आकाशवाणी केंद्राचे 28 एप्रिल रोजी उद्घाटन

 

हिंगोली (जिमाका), दि. 27 : येथील रिसाला बाजार येथे आकाशवाणी एफ.एम. केंद्र सुरु करण्यात आले आहे. या आकाशवाणी केंद्राचे उद्घाटन दि. 28 एप्रिल, 2023 रोजी सकाळी 10.30 वाजता पंतप्रधान नरेंद्र मोदी यांच्या हस्ते आभासी पध्दतीने होणार आहे.

या उद्घाटन कार्यक्रमास केंद्रीय माहिती प्रसारण तथा युवा व्यवहार आणि क्रीडा मंत्री अनुरागसिंह ठाकूर, माहिती व प्रसारण , मस्त्य, दुग्ध व पशुपालन राज्यमंत्री डॉ.एल. मुरुगन हे प्रमुख पाहूणे म्हणून उपस्थित राहणार आहेत. यावेळी खासदार हेमंत पाटील, आमदार तानाजी मुटकुळे, आमदार संतोष बांगर, आ. प्रज्ञा सातव उपस्थित राहणार आहेत.

या कार्यक्रमास जास्तीत जास्त संख्येने उपस्थित राहावेत, असे आवाहन रमेश घरडे, उपमहानिदेशक (क्लस्टर हेड), आकाशवाणी, नागपूर यांनी केले आहे.

******