अनुसूचित जातीच्या बचत गटांना
90 टक्के अनुदानावर मिनी ट्रॅक्टर वाटप
हिंगोली, दि.
19 :- महाराष्ट्र शासनाच्या सामाजिक न्याय व विशेष सहाय्य विभागाच्या वतीने सन
2016-17 मध्ये अनुसूचित जाती व नवबौध्द घटकातील नोंदनीकृत बचत गटांना 9 ते 18 अश्वशक्तीचे
मिनी ट्रॅक्टर व त्याची उपसाधने 90 टक्के अनुदानावर मिनी ट्रॅक्टर वाटप करण्यात येणार
आहेत.
जिल्ह्यातील इच्छूक व नोंदणीकृत स्वयंसहाय्यता
बचत गटांनी खालील अटी व शर्तीची पुर्तता करणे आवश्यक आहे. 1) अनुसूचित जाती व नवबौध्द
घटकांचा नोंदणीकृत बचतगट असावा, बचतगटाचे खाते राष्ट्रीयकृत बँकेत असावे. 2) गटामध्ये किमान 10 किंवा त्यापेक्षा जास्त सदस्य
असून पैकी 80 टक्के सदस्य अनुसूचित जाती व नवबौध्द घटकातील असावेत 3) गटातील सदस्य
महाराष्ट्र राज्याचे रहिवासी असावेत. 4) सदस्यांचे जातीचे प्रमाणपत्र सक्षम अधिकारी
यांचे आवश्यक. 5) गटातील प्रत्येक सदस्याचे राष्ट्रीयकृत बँकेमध्ये खाते असावे व ते
आधारक्रमांकाशी सलग्न असावे. 6) गटाने / गटातील सदस्यांनी यापुर्वी या योजनेचा लाभ
घेतलेला नसावा. 7) निवडीनंतर गटाला 10 टक्के रक्कमेचा डिमांड ड्राफ्ट तात्काळ द्यावा
लागेल. अर्ज जास्त असल्यास ड्रॉ पध्दतीने निवड करण्यात येईल.
वरील अटी व शर्ती पुर्ण करणाऱ्या अनुसूचित
जाती व नवबौध्द घटकांतील बचत गटांनी तसेच यापुर्वी अर्ज सादर केले परंतु लाभ न मिळालेल्या
गटांनी नव्याने अर्ज सादर करावेत. अर्ज सहाय्यक आयुक्त, समाज कल्याण, हिंगोली या कार्यालयामधुन
विनामुल्य घेऊन जावेत व परिपूर्ण भरलेले अर्ज दिनांक 28 डिसेंबर, 2016 पर्यंत सुट्टी
वगळून कार्यालयीन वेळेत सादर करावेत, असे आवाहन समाज कल्याण, सहाय्यक आयुक्त, हिंगोली
यांनी प्रसिध्दी पत्रकान्वये केले आहे.
*****
No comments:
Post a Comment