टोल फ्री क्रमांक व क्रॉप इन्शुरन्स ॲप्लीकेशनद्वारे फळपिकांच्या नुकसानीची पूर्वसूचना देण्याचे आवाहन

 

टोल फ्री क्रमांक  व क्रॉप इन्शुरन्स ॲप्लीकेशनद्वारे

फळपिकांच्या नुकसानीची पूर्वसूचना देण्याचे आवाहन

 

हिंगोली (जिमाका) दि. 10 : विमा योजना आंबिया बहार 2021-22 प्रधानमंत्री पिक विमा योजनेअंतर्गत हवामान आधारित फळपिक विमा योजना आंबिया बहार 2021-22 जिल्ह्यात  एच.डी.एफ.सी. ऍग्रो ज. इन्शुरन्स  कंपनी लिमिटेड मुंबई यांच्यामार्फत राबविण्यात येत आहे. दिनांक 8 जून रोजी वादळी वारे, वेगाचे वारे या स्थानिक आपत्तीमुळे केळी फळ पिकाचे नुकसान झाले आहे.

ज्या शेतकऱ्याने केळी या फळपिकाचा आंबिया बहारासाठी विमा उतरविला आहे व ज्यांचे वेगाचा वारा या जोखमी अंतर्गत  फळपिकांचे नुकसान झाले आहे अशा शेतकऱ्यांनी नुकसानीची पूर्वसूचना टोल फ्री क्रमांक 18002660700, pmfby.maharashtra@hdfcergo.com  आणि क्रॉप इन्शुरन्स ॲप्लीकेशन (प्ले स्टोअर वर उपलब्ध) या माध्यमातून विमा कंपनी, कृषी विभाग किंवा बँकेत द्यावी असे आवाहन जिल्हा अधिक्षक कृषी अधिकारी, हिंगोली यांनी केले आहे.

00000