डी.एल.एड प्रथम वर्षात प्रवेश घेण्यासाठी

7 जुलैपर्यंत ऑनलाईन आवेदन सादर करावेत

 

हिंगोली (जिमाका), दि.23 : प्राथमिक पदविका (डी.एल.एड.) प्रथम वर्ष या अभ्यासक्रमासाठी सन 2022-23 या शैक्षणिक वर्षासाठी शासकीय व व्यवस्थापन कोट्यातील जागा भरण्यासाठी ऑनलाईन प्रवेश प्रक्रिया सुरु करण्यास पुणे येथील राज्य शैक्षणिक संशोधन व प्रशिक्षण परिषदेच्या संचालकांनी परवानगी दिली आहे.

या अभ्यासक्रमासाठी इयत्ता बारावीमध्ये खुल्या संवर्गातील विद्यार्थी 49.5 टक्के  व इतर संवर्गातील विद्यार्थी 44.50 टक्के गुणांसह उत्तीर्ण असणे आवश्यक आहे. यासाठी प्रवेश अर्ज शुल्क खुल्या संवर्गातील विद्यार्थ्यांसाठी 200 रुपये व इतर संवर्गातील विद्यार्थ्यासाठी 100 रुपये ऑनलाईन भरणे आवश्यक आहे. प्रवेश नियमावली, अध्यापक विद्यालय यादी, वेळापत्रक, प्रवेशाबाबतच्या सूचना www.maa.ac.in या संकेतस्थळावरील Important Information मध्ये उपलब्ध आहे.

शैक्षणिक वर्ष 2022-23 मध्ये डी.एल.एड प्रथम वर्षात प्रवेश घेण्यासाठी विद्यार्थ्यांनी  www.maa.ac.in या संकेतस्थळावर दि. 7 जुलै, 2022 पर्यंत ऑनलाईन आवेदन सादर करावेत. पडताळणी अधिकाऱ्यांनी दि. 8 जुलै, 2022 पर्यंत प्रमाणपत्रांची ऑनलाईन पडताळणी करावी व विद्यार्थ्यांनी ऑनलाईन प्रवेश पत्र प्राप्त करुन घ्यावेत, असे आवाहन  प्राचार्य, जिल्हा शिक्षण व प्रशिक्षण संस्था, हिंगोली यांनी प्रसिध्दीपत्रकाद्वारे केले आहे.

****