हिंगोली जिल्हा न्यायालयात योग दिन साजरा

 

हिंगोली (जिमाका), दि.21 : तालुका विधी सेवा समिती, वकील सेवा संघ, हिंगोली आणि इंडियन ॲडव्होकेटस् मल्टी पर्पज को-ऑप सो.लि. हिंगोली यांच्या संयुक्त विद्यमाने आज दि. 21 जून, 2022 रोजी सकाळी 7.00 वाजता जिल्हा न्यायालय, हिंगोली आवारात आंतरराष्ट्रीय योग दिनाचा कार्यक्रम साजरा करण्यात आला.   

या आंतरराष्ट्रीय योग दिनानिमित्त योगशिक्षक ॲड . आर.एन. अग्रवाल, श्री. तोष्णीवाल, सौ. तोष्णीवाल यांनी योगासन व प्राणायाम याबद्दल सविस्तर मार्गदर्शन करुन प्रात्यक्षिक उपस्थिताकडून करुन घेतले.

या योग दिनाच्या कार्यक्रमास जिल्हा न्यायाधीश-1 आर. व्ही. लोखंडे, हिंगोली मुख्यालयातील इतर सर्व न्यायाधीश , बार कौन्सिल ऑफ इंडियाचे उपाध्यक्ष ॲड. सतीष देशमुख, वकील संघाचे अध्यक्ष ॲड. मतीन पठाण, हिंगोली वकील संघाचे सन्माननीय सदस्य, कायद्याचे स्वयंसेवक, पॅनल विधिज्ञ, रिटेनर विधिज्ञ, मध्यस्थी विधिज्ञ व हिंगोली मुख्यालयातील न्यायालयीन कर्मचारी, तालुका विधी सेवा समितीचे कर्मचारी हजर होते.

****