शासन आपल्या दारी कार्यक्रमांतर्गत

सुशिक्षित बेरोजगार उमेदवारासाठी ऑनलाईन रोजगार मेळाव्याचे आयोजन

                                                                                                             

            हिंगोली (जिमाका), दि.26 : जिल्हा कौशल्य विकास रोजगार व उद्योजकता मार्गदर्शन केंद्र व मॉडेल करिअर सेंटर (एनसीएस) हिंगोली यांच्यामार्फत हिंगोली जिल्ह्यातील नोकरी इच्छूक उमेदवारांना रोजगाराच्या संधी उपलब्ध होण्याच्या दृष्टीने ‘शासन आपल्या दारी’ या कार्यक्रमांतर्गत हिंगोली जिल्ह्यातील सुशिक्षित बेरोजगार उमेदवारांसाठी दि. 29 मे ते 31 मे, 2023 या कालावधीत पंडित दीनदयाल उपाध्याय ऑनलाईन रोजगार मेळाव्याचे आयोजन करण्यात आले आहे.

नवकिसान बायोप्लॅन्टेक लिमिटेड, नांदेड यांचे दहावी, बारावी, पदवी शैक्षणिक पात्रतेची फिल्डसेल्स एक्सिकेटीव्ह या पदासाठी हिंगोलीचे-15, परभणी-20 व नांदेड-20 जागा 18 ते 35 वयोगटातील उमेदवारामधून भरावयाची आहेत.

या ऑनलाईन रोजगार मेळाव्यात नवकिसान बायोप्लॅन्टेक लिमिटेड, नांदेड कंपनीचे 50 पेक्षा अधिक रिक्तपदे अधिसूचित केलेली आहेत. जिल्ह्यातील दहावी, बारावी, पदवी या शैक्षणिक अर्हतेनुसार https://rojgar.mahaswayam.gov.in व www.ncs.gov.in या संकेतस्थळावर ऑनलाईन अधिसूचित केलेली आहेत.

नोकरी इव्छुक उमेदवारांनी वरील संकेतस्थळावर नोंदणी पूर्ण करुन शैक्षणिक पात्रतेनुसार उपलब्ध रिक्त पदासाठी ऑनलाईन अर्ज करावेत. जेणे करुन त्यांना ऑलनाईन रोजगार मेळाव्यात सहभागी होता येईल. याबाबत काही अडचण आल्यास 7972888970 किंवा 7385924589 या भ्रमणध्वनी  क्रमांकावर संपर्क साधावा, असे आवाहन सहायक आयुक्त डॉ. राजपाल कोल्हे यांनी केले आहे.

 

*****