औंढा बस स्थानकात प्रवाशांमध्ये व्यसनमुक्ती जनजागृती 
 नशा मुक्त भारत पंधरवडा 

         हिंगोली (जिमाका), दि. 23 : महाराष्ट्र राज्य मार्ग परिवहन महामंडळाच्या परभणी विभागातील औंढा नागनाथ येथील बस स्थानकात प्रवासी- नागरिकांमध्ये व्यसनमुक्ती जनजागरण उपक्रम शुक्रवार, दि. 23 जून रोजी पार पडले.

यावेळी बस स्थानकात स्थानक नियंत्रक शिवाजी बांगर, जेष्ठ कर्मचारी दिलीप जोगदंड, नशा मुक्त भारत अभियान समितीचे जिल्हा पदाधिकारी विशाल अग्रवाल यांची प्रमुख उपस्थिती होती.

            सामाजिक न्याय व विशेष सहाय्य विभागाच्या जिल्हा परिषद समाज कल्याण विभाग आणि नशाबंदी मंडळ महाराष्ट्र राज्य यांच्या संयुक्त विद्यमाने दि. 12 ते 26 जून, 2023 या कालावधीत नशा मुक्त भारत पंधरवडा राबविण्यात येत आहे.

नशाबंदी मंडळ महाराष्ट्र राज्य कृत राज्यस्तरीय व्यसनमुक्ती प्रदर्शनीचे आयोजन स्थानक परिसरात करण्यात आले होते. यावेळी प्रवासी नागरिकांना जिल्हा संघटक विशाल अग्रवाल यांनी व्यसनमुक्तीचा संकल्प दिला.

*****