कळमनुरी तालुक्यातील युवक व युवतीसाठी

वेल्डींग वर्कशॉप व ब्युटी पार्लर या विषयावर मोफत प्रशिक्षणाचे आयोजन

24 सप्टेंबर पर्यंत नाव नोंदणी करण्याचे आवाहन

 

 

हिंगोली (जिमाका),दि. 21  :  येथील जिल्हा उद्योग केंद्र व महाराष्ट्र उद्योजकता विकास केंद्राच्या वतीने कळमनुरी तालुक्यातील सर्वसाधारण व अनुसूचित जमाती प्रवर्गातील युवक व युवतीसाठी वेल्डींग वर्कशॉप व ब्युटी पार्लर या विषयावर मोफत प्रशिक्षण कार्यक्रमाचे आयोजन करण्यात आले आहे.

यासाठी उमेदवार हा किमान 08 वी पास असावा, वय 18 ते 45 वर्षे यादरम्यान असावे. तसेच आधार कार्ड, पासपोर्ट फोटो, टीसी, गुणपत्रक, बँक पासबूक जमा करुन आपली नाव नोंदणी दि. 24 सप्टेंबर, 2023 पर्यंत करावेत. नाव नोंदणीसाठी व अधिक माहितीसाठी समाधान मोरे (मो. 9158272909), कार्यक्रम आयोजक महाराष्ट्र उद्योजकता विकास केंद्र, द्वारा जिल्हा उद्योग केंद्र, एस-12, प्रशासकीय इमारत, जिल्हाधिकारी कार्यालय, हिंगोली येथे संपर्क साधावा, असे आवाहन जिल्हा उद्योग केंद्राचे महाव्यवस्थापक एस. के. कादरी व महाराष्ट्र उद्योजकता विकास केंद्राचे प्रकल्प अधिकारी सुधीर आठवले यांनी केले आहे.    

*****