सुशिक्षित बेरोजगार उमेदवारांसाठी 14 ते 16 नोव्हेंबर या कालावधीत

ऑनलाईन रोजगार मेळाव्याचे आयोजन

 

 

हिंगोली (जिमाका), दि. 10 :  जिल्हा कौशल्य विकास, रोजगार व उद्योजकता मार्गदर्शन केंद्र, हिंगोली यांच्यामार्फत दि. 14 नोव्हेंबर ते दि. 16 नोव्हेंबर, 2022 या कालावधीत हिंगोली जिल्ह्यातील नोकरी इच्छुक उमेदवारांना रोजगाराच्या संधी उपलब्ध होण्याच्या पंडित दीनदयाल उपाध्याय ऑनलाईन रोजगार मेळाव्याचे आयोजन करण्यात आलेले आहे.  

या रोजगार मेळाव्यात भारतीय जीवन विमा निगम, हिंगोली, एसबीआय लाईफ इन्श्यूरन्स कंपनी लि. हिंगोली येथील दहावी, बारावी, पदवीधर या शैक्षणिक आर्हतेनुसार 100 पेक्षा अधिक रिक्तपदे https://rojgar.mahaswayam.gov.in या संकेतस्थळावर अधिसूचित केलेली आहेत.

नोकरी इच्छूक उमेदवारांनी वरील संकेतस्थळावर नोंदणी पूर्ण करुन शैक्षणिक पात्रतेनुसार उपलब्ध रिक्तपदांसाठी ऑनलाईन अर्ज करावेत. जेणेकरुन त्यांना ऑनलाईन रोजगार मेळाव्यात सहभागी होता येईल.

पंडित दीनदयाल उपाध्याय ऑनलाईन रोजगार मेळाव्यात जास्तीत जास्त बेरोजगार उमेदवारांनी वरील संकेतस्थळावर ऑनलाईन नोंदणी करुन सहभागी व्हावे. याबाबत काही अडचण आल्यास 02456-224574 या दूरध्वनीवर संपर्क साधावा, असे आवाहन सहायक आयुक्त राजपाल कोल्हे यांनी केले आहे.

*****