⏺️ जिल्ह्यात एकूण १८ हजार ९८१ पुस्तकांचे संकलन करून वितरीत
⏺️ सेवा संकल्प अभियानातील अभिनव उपक्रम
हिंगोली, दि. १७ (जिमाका) : सेवा संकल्प अभियानांतर्गत हिंगोली जिल्ह्यातील सर्व ८७५ जिल्हा परिषद शाळांमध्ये पुस्तकदान हा अभिनव उपक्रम राबविण्यात आला. यामध्ये सर्व शाळांचा उत्स्फूर्त सहभाग लाभला. या उपक्रमातून जिल्ह्यात एकूण १८ हजार ९८१ पुस्तकांचे संकलन करून वितरण करण्यात आल्याचे जिल्हा परिषदेचे मुख्य कार्यकारी अधिकारी विवेक गायकवाड यांनी सांगितले.
जिल्ह्यातील पाचही तालुक्यांतील शाळांनी १०० टक्के सहभाग नोंदविला. या उपक्रमात वसमत तालुक्यातून सर्वाधिक सहा हजार २०३ पुस्तके जमा झाली. हिंगोली तालुक्यातून चार हजार ३९९, कळमनुरीतून तीन हजार ५८५, सेनगावमधून दोन हजार ७६७, तर औंढा नागनाथ तालुक्यातून दोन हजार २७ पुस्तकांचे संकलन करून वितरीत झाली आहेत.
विद्यार्थ्यांमध्ये वाचनाची आवड निर्माण करणे, वाचन संस्कृतीला प्रोत्साहन देणे आणि लोकसहभागातून शैक्षणिक वातावरण समृद्ध करणे, हा या उपक्रमाचा मुख्य उद्देश आहे. सर्व शाळांचा उत्स्फूर्त सहभाग या उपक्रमाचे यश अधोरेखित करतो, असेही गायकवाड म्हणाले.
No comments:
Post a Comment